Satıcı alqı-satqı müqaviləsinin şərtlərinə əsasən alıcıya komplektli əşya verməyə borcludur. Əgər müqavilədə əşyanın komplektli olması göstərilməyibsə, alıcıya işgüzar adətlərə (ümumi qaydalar, qiymət, çatdırılma müddəti və.s) uyğun əşya verilməlidir.

Müqavilədə əşyaların komplekt şəklində verməli olduğu qeyd olunubsa, satıcının öhdəliyi komplektdəki bütün əşyalar verildiyi andan yerinə yetirilmiş sayılır.

Müqavilədə başqa bir qayda yoxdursa, satıcı bütün əşyaları eyni vaxtda verməlidir.

Əgər mal komplektsiz verilibsə, alıcı aşağıdakıları tələb edə bilər:

• Alış qiymətinin azaldılması;
• Əşyanın komplektinin ağlabatan müddətdə tamamlanmasını.

Satıcı əşyanın komplektini ağlabatan müddətdə tamamlamazsa, alıcı aşağıdakıları seçə bilər:

• Komplektsiz əşyanın komplektli ilə dəyişdirilməsi;
• Alqı-satqı müqaviləsinin ləğv edilməsi və ödənilən məbləğin qaytarılmasını.